陳彥行咒虐畜者必有惡報

行姐視愛犬「小王子」和「小公主」如己出，經常帶兩犬外出，與其他狗狗玩作一團，「吠」聲震天，非常熱鬧。行姐坦言新年願望是所有動物能如人一樣獲得尊重，受到愛護。

一路睇一路喊

提到最近一宗在馬來西亞的虐狗新聞，行姐狠批「兇徒」會惡有惡報！行姐坦言看見虐狗片段時，傷心得哭起來。她在Facebook與好友分享心情，齊齊鬧爆該名虐狗「兇徒」。行姐說：「我希望新一年可以為動物機構出一分力，如果呢宗新聞有跟進，我一定出嚟幫手做嘢。我喺網上睇到段虐狗片，好傷心！其他愛狗朋友都嬲到爆，所以我真係好想有關團體跟進。」

投身寵物行業

除了為狗煩惱，行姐亦忙於籌劃生意大計，雖然她對演藝事業仍很有興趣，但明白不能以此為終身職業，故新一年她準備投資六位數字開設寵物美容餐廳。行姐說：「我真係好鍾意狗狗，所以想做番同寵物有關嘅生意，自己以前開餐廳，所以想融合兩樣嘢一齊做。（唔開寵物店？）其實賣狗係唔人道，狗場好多為生狗仔，搞到母狗生到老就唔要佢哋，所以我勸喻人領養狗。」

場地及狗仔衫：Dog One Life

化妝：Alfred Tsang

文：影視組