王宗堯自強兩年報答校長

影壇新人Greg早前到台灣拍攝改編自幾米繪本的無綫愛情單元劇《你們我們他們》，曾於當地發展的他更充當導遊帶對手周家蔚、趙希洛狂掃台灣小食！Greg對拍攝淋雨戲印象最深，本來Greg都有瓦遮頭，但後來愈淋愈勁，淋足半日的他最後連件皮褸都濕透。雖然有份拍愛情劇，但他直言自己愈來愈實際，從前會花心思預備禮物，甚至包裝物品比禮物本身還要貴，但他發現其實好多女仔都唔多鍾意驚喜，仲有可能有反效果出現。

去盡角色就係成功

Greg正朝影視兩路開行Turbo，希望兩年內演技得到大家認同，今次有機會以新人姿態主演劇集，他非常珍惜，開劇前更特意向前輩鄭則士取經：「Ken哥教我，願意將角色推到最盡，就係成功！」而短短數日的拍攝亦讓Greg體驗到無綫的緊湊式拍攝，將電視台形容為「少林寺」的他說：「希望再合作，始終劇種多啲，無綫係一個速成班，喺好短時間已經可以磨練出好多經驗！」

譚詠麟十分睇好王宗堯。

Greg在台灣拍劇時淋足半日雨。