陳法拉唔信男友偷嗒Regen
陳法拉在農曆新年間去了美國探親兼搵真銀，未有同行的男友薛世恒則在港被拍得與HotCha的Regen同遊，法拉不但未有嬲怒，反而借機玩男友，事實是她對男友信心爆棚，因已有愛的承諾。
法拉前晚與金剛、沈卓盈為電影《我愛HK開心萬歲》到戲院謝票，向觀眾大派紀念品，席間談到離港期間男友被拍得與旗下組合HotCha成員Regen一起而傳緋聞，法拉不怒反笑：「佢有打電話畀我報告，話有啲唔開心，佢話係同事拜年傾埋公司嘢，（點安慰佢？）我話對佢深表同情，（百分百信任男友？）係呀，佢個人好老實！（HotCha成員只得一個？）應該係唔複雜、好簡單嘅事。」
情人節互送卡
法拉對男友有信心，全因剛過去的情人節，兩人悄悄在家溫馨玩「煮飯仔」，問到收到甚麼禮物，她笑言：「只收卡，禮輕情意重，我都係送卡畀佢，唔使嘥錢買禮物啦，都冇特別嘢想要，（卡中有承諾？）寫咩唔話你知，總之係傳達愛意。」
拒談諸葛是非
對於早前她的「未來妯娌」諸葛梓岐被傳生過仔，法拉坦言對方的事不會回應，那是別人的事，問到是否跟諸葛分開與薛家吃團年飯，法拉說：「有一日我去咗首映出席唔到，（話你得寵啲？）冇得咁樣比較，係私人聚會啫。」
文：影視組