阿姐拒做秋官情人
即將舉行演唱會的汪明荃與鄭少秋昨日到上環復康服務中心探訪，宣布《新世紀2011演唱會》將加開一場，他們更搓湯圓共慶甜蜜元宵節，兩人全程打情罵俏，秋官更賣口乖讚湯圓似阿姐咁甜，氹得她喜上眉梢。不過阿姐說不會整湯圓給老公羅家英食：「唔會啦，西曆情人節食咗，今晚（昨晚）都冇咩慶祝活動，仲要同政府開會。」
秋官則說隨太太喜歡買甚麼元宵禮物：「我送花佢都話唔要，情人節都係去食飯咋。」問太太有何表示時，他即搞笑問阿姐：「你送咗咩畀我呀？」嚇得阿姐非常尷尬，他續說：「你係我情人嘛！」阿姐即澄清說：「我哋係螢幕情人呀！」但秋官繼續口花花，笑指阿姐送上溫暖的笑容。