可嵐影光豬大肚寫真
前歌手可嵐去年造人成功，下月初預產期的她為留倩影，將於周日（後日）赤裸上身與飲食界才俊老公尤子威（Tommy）拍攝大肚相，她說：「搵咗個好熟嘅男攝影師操刀。（尷尬？）唔怕，因為好熟，加上會貼乳貼，亦都會着底褲。（老公唔驚你蝕底？）相信佢會放心，佢全程都喺度監場。」
可嵐踢爆老公非常緊張及貪靚，她說：「佢搵埋化妝同髮型師畀自己。」可嵐透露ＢＢ上月只得四磅，為「谷肥Ｂ」每朝食兩隻雞蛋，她說：「依家ＢＢ有成六磅，我就重咗五十幾磅，從未試過咁肥。」她表示老公每晚都會為她搽去肚皮紋膏，認真sweet。
