大肚陳倩揚着四吋鞋開工
早前宣布有喜的港姐陳倩揚，昨日腹大便便為「Cubus開幕慶典」擔任司儀，她更穿上四吋船跟鞋上陣，認真貪靚。問到陳倩揚穿船跟鞋會否辛苦？她說：「因為出鏡好睇啲，一陣會換番對平底鞋走架喇！（懷胎有冇嘔？）好好彩冇咩點嘔，依家五個月，BB都好錫我，（老公呢？）佢日日都好緊張，安排好健康餐單我食，例如飲奶、芝士、雞蛋，希望BB同我都肥肥白白。」
昨日是元宵佳節，倩揚坦言沒有特別慶祝：「前幾日情人節老公都畀咗驚喜我，之前我哋去完沖繩，鍾意咗食當地嘅苦瓜炒蛋，嗰日佢煮咗呢味菜我食，呢份心意已經滿分啦，（變甜瓜？）係呀。」