連凱為公私甘心賺少百萬

在美國修讀特技化妝出身的連凱，把握住席捲全球的《阿凡達》效應，在北京成立公司搞特技化妝，先後負責了《維多利亞壹號》及李連杰主演新片的幕後特技化妝工作。落手落腳的他早前更贏得業界獎項，公司亦在短時間內轉虧為盈，這些都令他加強信心。

已移居北京的他，除了忙於迎接快將出世的ＢＢ外，三月更會在北京開設特技化妝學校，培育業內新血，組成自己的專屬班底。雖然忙得不可開交，但他對幕前演出仍未死心，他不諱言﹕「如果有朝一日有人搵我演爸爸，我諗都係時候退出嘞。」

連太（右）五月將到美國準備生「林莊」。

拍劇出身的連凱，至今仍有不少人找他拍劇。

據悉，刻下仍有不少內地電視劇找他擔綱演出，可惜公私兩忙，令連凱不得不推掉七位數字的合約，不過他卻毫不後悔﹕「話晒自己讀特技化妝出身，好想學以致用。最搞笑係好多圈中人唔習慣畀我化妝，之前去到片場開工，有人走嚟問我今次負責演邊個角色，又有特技人嚟試妝，我一攞起張化妝棉，對方即刻話：『我自己嚟就得嘞』。」

美國B車北京用

太太Amanda打算五月返美國待產，連凱打趣刻下要學懂慳家，早前他更趁美國大減價，千辛萬苦將選購的ＢＢ車運返北京待用！他笑說：「我本身姓林，講吓笑可以幫個ＢＢ改名叫『林莊』，ＢＢ喺美國出生後，會喺當地留幾個月，但大啲就要返北京同我哋一齊。（一個夠晒數？）我太太想生女，但今次照咗係仔，所以睇佢意願啦，追多個我冇所謂嘅。」文﹕影視組