糖兄妹上位挑戰勁Band
組合糖兄妹早前於頒獎禮上橫掃各大新人獎，兩人坦言感激公司同事為他們辛苦的付出，承諾會繼續努力做好音樂，率先獲安排飛到台灣宣傳的糖妹Kandy說：「我哋一直都有國語作品，一月會正式出專輯，希望將音樂帶去唔同地方！」問到會否擔心跟RubberBand、Mr.等組合競爭？糖兄阿峰說：「有競爭係好事，咁樣大家先會有進步，同埋音樂風格其實好唔同，希望做好自己！」
糖兄妹又答應香港歌迷會努力寫廣東歌，更透露公司計劃三月舉辦音樂會，場地跟嘉賓名單都由歌迷於網上投票決定，Kandy說：「暫時網上投票都係范曉萱最高票數，唔知最終結果會係邊個，場地方面我哋想搵千幾人細場先，感覺同觀眾拉近啲，希望露天場啦開心吖嘛！」