徐子淇佗Ｂ仔老爺請遊日
已懷孕六個月的徐子淇，之前有傳懷有孖胎，昨日徐父首度開腔親證女兒只是懷單胎，當追問BB性別時，徐父開心表示已知性別，但由女兒親自宣布喜訊，相信非生仔莫屬，難怪新春期間子淇與老爺四叔同遊日本慶祝。
徐子淇在老爺李兆基「恨男孫」和大伯李家傑突然「一炮三響」得子後，徐子淇立即趕工並成功再度懷孕，有傳她以人工方式懷有男胎，更有傳是孖胎兼龍鳳胎。前晚，徐子淇父親徐傳順與太太彭雪芳出席首映禮，徐父透露已得知女兒胎中的性別，但是男是女則守口如瓶，只說：「遲啲等李太（徐子淇）自己講啦！」既然要得子淇親證，相信都非佗仔莫屬。
在家休息年中待產
對於懷有孖胎的說法，徐父一度不語，在旁的徐母則說：「肯定唔係。」徐父指女兒子淇的預產期為年中，差不多已懷有六個月的身孕，並透露女兒大多時間在家中休息，但農曆新年間亦有向他拜年，還透露她亦有與老爺到日本旅行。至於徐子淇是否很大壓力，他則說：「都開心嘅，而個旅程安排得好輕鬆。」
陳君宜至緊要開心
徐子淇好友陳君宜則表示不知子淇是否懷孖胎，她說：「唔知喎，佢有咗之我哋只聯絡過一次。（生仔定女？）我唔知，其實仔、女都冇所謂啦，都係自己嘅小朋友，開心得啦！」問到徐子淇是否曾一家人到日本旅行，她說：「我冇一齊去。」
記者聯絡上陳慧琳，她表示作為一個母親，最關心是小朋友的健康，她說：「自己懷孖胎要更加謹慎，擔心飲食會影響到小朋友。其實作為一個孕婦，生仔、生女都係自己骨肉，未至於好大壓力。」
文：影視組