「鄭少秋 汪明荃 喜多郎新紀元2011」演唱會將於四月初開騷，兩場門票火速爆滿，阿姐和秋官知道消息後開心不已，身在美國的喜多郎亦十分雀躍，決定搵埋老婆助陣加入樂隊彈keyboard，壯大聲勢！
由於門票供不應求，兩批歌迷鬥搶飛，本報向主辦的新娛國際負責人丘亞葵查詢會否加場？他說：「希望可以喺三月卅一日加場，因為之後嘅期畀人訂咗，只可以加喺前面，依家等紅館批。」