江若琳搵男友要等得
江若琳（Elanne）、組合農夫及馬浚偉等前晚到大埔林村出席「香港許願節」活動，最近忙於在北京宣傳新碟的Elanne表示，約了幾位女性好友在家中度情人節，她說：「都有人約我，不過我要開工嘛，成日要四圍飛做嘢，好唔穩定，希望第時個男友係守候型，最好係望妻石咁！」
同場的農夫各自各精彩，C君與未婚妻撐枱腳，而陸永笑指女友奇怪：「佢約埋我父母食飯，我都唔知點解。（送禮物？）女友就冇啦，阿媽就送咗紮花畀佢！」早前新歌被指抄襲，C君承認有參考過：「不過音樂部分唔係我哋負責，我只係叫佢哋用嚟做reference，其實都唔係好似，全世界都係用嗰幾個結他chord o架啦！」
