林峯開騷 林夏薇廣告新星

林峯新年返廈門度歲，昨日現身廣州，宣布下月5日在廣州舉行演唱會，吸引大批fans前來為他打氣。

與小豬廣州打對台

對於將與台灣帥哥羅志祥在廣州打對台開騷，林峯說：「唔擔心畀人作比較，大家唔同類型，我以唱歌為主，佢就又唱又跳，希望大家嘅演唱會都大賣，自己好想請到徐子珊和吳卓羲做嘉賓。」今日情人節他整日在電台宣傳，晚上要出席公司春茗，與很多人一同度過佳節。

而其堂妹林夏薇（薇薇）憑清純秀麗的樣子而得到恒生銀行後人何乃斌太太何倍倩垂青，為護膚品牌Zensation拍攝廣告，亦是她首個護膚品廣告，雖然是短期合約形式，酬勞卻十分滿意。問到拍攝時有否緊張？薇薇自信地表示拍攝冇難度，她還大賣口乖：「真係好多謝老闆賞識。（有乜護膚心得？）初來港時唔慣，一來天氣、二來壓力大，搞到內分泌失調，好在用咗紓緩暗瘡精華液，好快就回復靚樣，當然要多飲水同充足睡眠。」

薇薇（左）與何倍倩看回剛拍攝的照片。

薇薇處女下海拍攝首個護膚品牌廣告。

何倍倩望長期合作

至於有否拍拖？薇薇放聲大笑表示沒有，至於擇偶條件，則說：「有經濟能力、錫我同屋企人。唔要求靚仔，不過有都無妨！」薇薇表示現居於香港，至於未來發展大計？她坦言沒有想得那麼長遠。而老闆何倍倩親自監場，對薇薇讚不絕口：「好難搵明星做代言，因為佢哋本身都有約，我覺得薇薇形象好正面又清新，希望大家會長期合作。」

文：名人組