吳浩康心急買樓娶莊思敏

「拖住人冇分別」

吳浩康與泳兒昨日出席英皇地產旗下樓盤「維壹」的情人節推廣活動，問他們有否趁機買樓做業主？吳浩康坦言：「諗住問下有冇得平啲先，都唔知有幾多折？不過我急切啲，成日話遲啲同拖住人冇分別，都真係要計劃吓。」

問他會否和女友齊齊睇樓？他說：「都要，如果想一齊住就要搵埋佢睇，雖然我好專制，但係都要尊重佢！」擺明有意與莊思敏拉埋天窗！同場的泳兒亦希望可以做業主，為爸爸提供更舒適的退休生活。

吳浩康與泳兒同樣希望盡快做業主。

莊思敏昨日行完婚紗騷便準備到橫店開工。

帶暖風機去橫店

另外，吳浩康女友莊思敏昨日出席法國婚紗的婚紗騷，她表示即將到橫店為王晶的《無價之寶》開工，雖然只是到當地十日，但她已經準備大量暖包及兩個暖風機到當地：「我第一次去嗰邊拍戲，之前去都係探阿Deep（吳浩康）班，我知道嗰邊好凍，我仲買咗個手提電腦，悶嗰陣可以上網！」