阮小儀參加婚禮識男仔

阮小儀昨聯同金剛及EO2成員Otto出席活動，她表示今日情人節不用孤單自己一個過，皆因好友已為她安排好節目，首先參加一個有很多單身人士參與的結婚派對，而夜晚則會與四對情侶食飯：「我會同朱薰幾對情侶煎牛扒食飯，你知佢依家好幸福o架啦，希望可以吸吓佢嘅幸福啦。（如果派對上識到男仔呢？）佢哋話唔介意我臨時放飛機，仲話我唔去仲好，煎少塊牛扒喎。」而剛由台灣返港的金剛則坦言早已預備了禮物給女朋友：「我買咗部iPhone畀佢，佢想要好耐o架喇，仲用fans送畀我嘅相，整咗張卡畀女朋友，好對唔住啲fans呀。」