李曼筠唔恨拍拖一嚟就嫁
「動漫Maggie」李曼筠與「天氣女神」黃婉曼（Icy）昨日出席「全港首屆戀戀求婚策劃師大賽」，聲稱冇拖拍的李曼筠說：「情人節冇特別節目，未有男友。頭先男模特兒扮向我求婚，其實我好期待第時男友喺我生日或者情人節求婚，我仲諗埋搵我啲貓做花仔、花女，我都幾恨嫁，但我唔恨拍拖，係咪好矛盾？」
而Icy談到甩拖後的首個情人節，她說：「雖然收到特首請柬，但我去唔到禮賓府春茗，因為情人節要開工拍房署宣傳片，惟有收工自己煮飯食，其實我覺得情人節可以一家人食飯仲浪漫，如果我有男友，我都會同佢一家人食飯，希望將來個男友可以浪漫啲。」
