呂慧儀放寬擇偶條件
呂慧儀、梁政珏昨日出席飲食活動，她們都表示於農曆新年間大吃大喝，故增磅不少。而問到她們於情人節有何活動？呂慧儀表示：「會去廣州宣傳新片，依家冇拍拖，有嘢做最開心。（有冇男仔約？）你咁問，一定答有！好多微博fans都會一齊去廣州。我依家都looking for Mr. Right！（要高過你？）唔一定高過，要放寬啲條件。」
梁政珏表示與男友開開心心，感情穩定。她笑言：「我之前喺微博度睇到，話情人節應該係13或者15日，因老公正日會畀老婆看住，第二日先可以見到情人。（有冇準備禮物畀男友？）未得閒準備，應該會同男友一齊食飯。（想收咩禮物？）想收花，其實咩禮物都OK。」