阿Sa唔信Honey讚身材好
蔡卓妍（阿Sa）和陳偉霆（William）在布吉預支蜜月，甜絲絲互拍泳衣look放床頭珍藏，阿Sa含羞答答讚男友body跟海灘一樣靚，問男友有冇讚她身材好？波平如鏡的阿Sa自嘲：「佢咁講我都質疑！」
阿Sa昨日為新碟《Sweetest Day》舉行簽唱會，吸引數百粉絲圍觀，她和粉絲大玩情人節遊戲，農曆新年期間她跟男友去布吉度歲被狗仔隊偷拍，但沒影響他們的拍拖心情。
三點式戲水
阿Sa直認未有理會被人偷影，還去巴東游水，問是否着三點式戲水？她理直氣壯說：「唔通着一件頭咩。」之前阿Sa幫William拍的泳褲look在本報曝光，她說：「兩個人去，唔係佢影我就係我影佢。（會將相片珍藏放床頭？）考慮吓。（William的body靚抑或海灘靚？）兩樣都靚。（佢有冇讚你身材好？）咁假都講得出，咁講我都質疑啦！」有雜誌指他們禁室培慾，阿Sa沒好氣說：「第一日發現有記者跟，之後已經行後門走。」
今日情人節，阿Sa有心思地準備了禮物，同時期待收到一份有心思的禮物。對有相士批「陳蔡戀」今年會分手，Sa跟霆口脗一致，覺得命運掌握在自己手上，信自己，到目前為止都幾好。對於前夫承認跟主播余思敏拍拖，阿Sa送上祝福，希望大家都幸福快樂！
要揀中心意
William接受電話訪問時，表示二人同樣重視第一個情人節，他已準備了禮物，希望給阿Sa驚喜。是否名貴？他說：「唔係睇價值，最緊要揀中對方心意。」又說一早知情人節撞正英皇春茗，故去泰國旅行提早預祝。
文：音樂組