劉德華衰大細超 有線全面封殺

華仔昨午出席電影宣傳活動，表面上有線亦有派員到場採訪，但有線記者由始至終也沒有與華仔作正面接觸及單訪，令早前盛傳他遭有線封殺之說似層層。華仔今次與有線交惡，事緣月前他接受now電視鄭丹瑞《Home Sweet Home》訪問，忽然改用廣東話，有線高層得悉此事後當然不是味兒，曾一度開會討論，事後曾派員於公開活動上與有關方面交涉，但所得的回應是：「唔好再煩我啲同事，決定咗就係咁嘞！」

大圍訪問無插咪牌

由於有人態度強硬，有線方面決定作出相關行動「回應」，早於華仔在新年前宣傳電影時，有線雖有派員作單訪，但事後片段未有安排出街。至昨午華仔再次現身，他與記者進行大圍訪問時，有線記者從旁「偷聽」，但未有發問及作出反應。其後當華仔接受視頻媒體訪問時，有線更沒有「插咪」，封殺行動漸見浮面。據悉，有線內部至今仍未有通告明言封殺華仔，但消息早已傳遍整間公司。

對於被有線封殺，華仔表示不知情，坦言對方不欲他以普通話接受訪問，改為廣東話作答。他說：「我始終都係無綫出嚟，唔好變成磨心啦！等無綫真正易主先用廣東話，因為唔同咗老闆，係我自己一個尊重。（咁now訪問你用廣東話？）係因now係TVB嘅Platform嘛！」

不滿厚此薄彼藝人

候任有線娛樂有限公司執行董事曾展章昨日接受本報查詢，他指公司內部從來沒有表示要封殺華仔，但他默認有線與華仔出現問題：「你估我係TVB咩！咁鍾意封殺人！但喺非正式情況下，就有聽過公司同事開會時，的確係對華仔有不滿嘅意見。（有冇相應行動？）呢個我唔清楚，因為我仲未上任。」

而有線發言人表示，有線不討論封殺問題，但有線不會尊重一些不尊重他們及厚此薄彼的藝人。

now冇要求講廣東話

now發言人Joan透露華仔於兩、三個月前曾接受鄭丹瑞主持的《Home Sweet Home》節目訪問，她更力撐對方：「藝人用咩語言係佢自由，我哋係冇要求，不過咁耐先攞出嚟講有啲奇怪。」

文﹕影視組