朱凱婷活躍分子 修畢碩士有交代
於香港中文大學工商管理學院市場學系畢業的朱凱婷（Heidi），是名副其實高材生，除了會考考獲27分的佳績外，高考時更考得1A2B3C。此外，Heidi更修畢企業傳播社會科學碩士課程，絕對是美貌與智慧兼備的港姐典範。
入讀中大，可算是她人生的轉捩點，家人為了不想她住宿舍，買車給她代步，反而令她錯失識男仔良機，她說：「有時啲男仔會借意話送你返屋企，之後就有機發展嘛，自己揸車就冇咗呢個藉口囉，咁我當然都有拍拖啦，哈！」雖然沒有在學校留宿，但Heidi仍活躍於校園，除了當學系幹事（上莊）外，更當選了「Miss BA」：「呢個係成個學院一齊選架，我仲參加過歌唱比賽，拎咗個季軍。」更兼職四份補習，認真多采多姿。
她又表示未畢業已有六份工等緊：「我做咗年半嘢，之後去選香港小姐，○四年入咗TVB做嘢之後就兼讀碩士，（好辛苦？）其實最重要都係時間管理，讀書嗰兩年都放棄咗好多玩樂應酬架！」而令她堅持修畢碩士課程的原因是：「我應承過父母要喺大學畢業後五、六年內讀完碩士，我唔想因為做咗artist而放棄諾言。」
DJ森美中大校友
香港中文大學人才輩出，除了「光纖之父」高錕曾為此校擔任校長外，當中更不乏名人校友，如名DJ森美及藝人洪朝豐就畢業於中大新聞系。