呂晶晶等亞視高層開口表白
前亞姐呂晶晶與高層盛品儒的戀情雖傳遍亞視，但身在內地的晶晶昨日回覆記者時仍有保留，她說：「佢都冇講到出口，追到至算啦！（前男友林韋辰已知你哋拍拖。）佢聽錯啫，我都知亞視好多人傳。（覺得盛品儒人品點？）OK架，好單純，大家都係好朋友。（你係咪送禮物？）係，佢生日送畀佢。佢亦的確係有接送我出去食飯，但咁都係紳士風度，不過我哋都好啱傾。」
此外，同是亞姐出身的陳綺明，昨日以《仁美清叙》副主席身份出席馬場活動，同場包括陳百祥和寇鴻萍夫婦。陳綺明對於呂晶晶有新戀情大表祝福，她更稱原本想邀晶晶出席，惟對方不在香港。
