司馬燕溫馨滑雪歎慢板
名媛司馬燕一家四口於去年聖誕到加拿大的雪山滑雪九天，同行還有她的一位女性朋友，一行五人齊齊過白色聖誕。司馬燕表示囝囝早於三歲便開始學滑雪，技巧高超，她笑言：「佢哋成日嫌我滑得慢，細仔Brian（吳澋耀）仲會瞓埋喺地下度話『我瞓埋覺啦！』」
司馬燕表示由於丈夫三年前曾斷腳，故夫妻二人現今只選擇滑一些較安全的路線。而同行的女友人則與司馬燕的兩子滑難度較高的路線。她續說：「我朋友話畀我兩個仔玩到散咗，仲話我哋唔去同佢哋一齊滑好醒！不過佢就讚Ian（吳澋滔）好照顧佢，成日等埋佢，又不時擰轉頭睇吓佢點。相反，Brian成日一支箭咁標落去，仲話佢慢。兩個仔嘅性格真係好唔同。」問到她會否擔心兒子在滑雪時受傷？她表示：「我一去到就畀佢哋喺滑雪學校度上咗五日course，好快就pick up番。而且佢哋好乖，唔會亂嚟。」
