「巨E法拉」梁雅淳（前名：梁筠兒、Bambi）擁有令人羨慕的廿四吋小蠻腰，近日卻被發現凸腩，被客戶問起令她尷尬之餘，更擔心失去工作。幸好她懂得穿衣之道的「隱惡揚善」，平日出街只着鬆身衫，出騷就穿低胸傘裙營造「升胸」效果轉移視線。
問到為何有小肚腩？Bambi嘴扁扁說：「之前勁減肥，搞到塊面瘦晒，睇落好冇精神，咁公司同事就勸我增肥，令個人健康啲。我都覺得塊面脹啲會好睇啲，咁就食多啲嘢，唔避忌咁食甜品，冬天仲成日打邊爐，搞到肥晒。」