祖藍有拖拍謝主隆恩

王祖藍、張致恒、李卓庭、周永恒及趙梓淇等前晚出席《Love is……Concert2011》福音音樂劇尾場，單拖到場的祖藍表示要分享戀愛經：「我要同大家分享我由溝唔到女嘅可憐蟲到依家嘅經歷！其實我同亞男拍拖係上帝促成嘅，好耐之前我哋講過唔好開始，於是我叫佢唔好去報道會，免得會日久生情，點知出發嗰日佢就整親隻腳開唔到工，最後就一齊去報道，就係咁就開始咗。」
祖藍拇指戴上貞潔戒指，表明對女友忠心不二。
祖藍拇指戴上貞潔戒指，表明對女友忠心不二。

李亞男最想要關懷

祖藍大晒手上的貞潔指環，表明對女友的忠心不二及誠意：「呢隻戒指代表一生一個，希望我哋好似周永恒同趙梓淇咁好！（幾時結婚？）要努力多幾年先！」

另外，李亞男昨日接受電台節目《巴巴閉邊個夠我查篤撐》訪問，對於日前祖藍在訪問中大讚她值無限分時，李亞男甜到漏說：「好冧呀，咁我畀八十五分佢啦！」她透露情人節男友要出席英皇春茗，但她不介意，認為工作至上。問到想收甚麼禮物？她謂：「冇咩想佢送，自己有嘅已經足夠，我最着重佢嘅關懷。」文：音樂組

李卓庭對祖藍的戀愛經歷很感動。
  • 李卓庭對祖藍的戀愛經歷很感動。
周永恒與趙梓淇的甜蜜婚姻，令祖藍羨慕。
  • 周永恒與趙梓淇的甜蜜婚姻，令祖藍羨慕。
李亞男接受查小欣訪問，讚男友值八十五分。
  • 李亞男接受查小欣訪問，讚男友值八十五分。