巨聲二幫廣州捱罵陳慧敏撞車賠六百

「巨聲二幫」陳慧敏、吳業坤（坤哥）、陳國峰及謝東閔昨日出席《廣州闖蕩》記者會。四人分享於廣州拍攝時遇到的趣事，不約而同的笑言：「原來廣州人講嘢好多時都夾雜住粗口架！」唯一的女將陳慧敏大呻遇到倒楣事：「因為嗰度風景太靚，我踩單車時掛住周圍望，唔小心撞到架私家車嘅倒後鏡，即刻畀人捉住咗！（使唔使賠錢？）賠咗六百蚊囉，我嗰時真係驚到喊咗出嚟，唔係因為錢嘅問題，我最怕影響拍攝進度。」