鄧紫棋拒為林宥嘉推油

G.E.M.昨日穿上春裝出席香水活動，她自言喜歡噴香水，也收過以前男友所送的香水。情人節將至，她可會送禮物給現任男友林宥嘉？G.E.M.說：「嗰日要做嘢，去睇Janet Jackson演唱會，到依家都冇諗住買禮物。（會親手整朱古力？）以前試過整一次，好煩，唔會再整，嗰次我整咗九十九粒朱古力畀男朋友，點知佢食完四十幾粒之後，另外嗰四十幾粒就發咗霉。」

風頭火勢

早前周秀娜與男友同遊泰國，被拍得為男友火辣推油，G.E.M.會否效法？她聞言即說：「點推呀？我唔鍾意推油，『油立立』。（首次同嘉嘉（林宥嘉）過情人節？）唔好講嘉嘉啦，講減減。（佢嗰日有嘢做？）係我有嘢做，我要同老闆、監製一齊睇concert，我5月喺紅館開騷。（請嘉嘉做嘉賓？）唔會，風頭火勢唔好喇，我驚！」

認被嚇怕

至於會否希望男友在情人節當日突然出現給她驚喜，G.E.M.說：「唔好，我要做嘢。（係咪佢嚇怕咗？）係我嚇怕咗，唔知人哋諗咩。」對於早前林宥嘉在微博表示請大人息怒，剛巧她在微博表示致電某人總是找不到一事，G.E.M.否認自己是那位「大人」：「我冇話嗰個係佢，咁啱啫。（嗌交？）我唔鍾意嗌交，唔關我事，問番佢。」她說公司不想她再談感情事，免得講多錯多，但卻沒有不准她拍拖。

文：名人組