梁詠琪（GiGi）昨日往電台接受訪問，她表示最近苦練結他，手指都練至起繭，可怕外籍男友Matthew介意拖手仔不舒服？GiGi說：「佢知因為練結他，唔會有問題。」農曆新年她與一班朋友去了新加坡度歲，男友可有同行？她只尷尬的說「一班人去」。
GiGi月底將舉行演唱會，會否作真情剖白？她說：「會講吓人生，但唔想講太多，用歌去表達啦。（用中文定英文？）全廣東。（咁Matthew咪聽唔明？）音樂係世界語言。（會唔會請所有舊男友去睇？）順其自然啦。（現任呢？）佢想尊重個show，個焦點去返我度，所以唔會畀大家見到。」情人節將至，GiGi將忙於排舞，會否跟男友食飯慶祝，她說到時先算！
