G.E.M.提男友畀人鬧
鄧紫棋（G.E.M.）昨日出席可口可樂活動，她在接受訪問時尷尬謂：「唔好意思，我唔記得帶利是呀！」G.E.M.透露已預備五位數字作開工利是，笑言去年很多人覺得她年紀小，唔好意思收她的利是。問她何時自己派利是？她即詐傻說：「咩叫自己派利是？（結婚。）太早啦，邊有人十九歲派利是架？阿媽都問我會唔會太早。」她自嘲現時未能照顧自己，所以亦不會照顧到自己的家庭。至於Honey（男友林宥嘉）有否來港度歲？她鬼馬說：「小熊維尼先要Honey，我鍾意米奇老鼠！我唔講佢啦，成日講呢啲會畀人鬧架！」
