林欣彤胡鴻鈞預演溫馨
情人節雖尚未來到，但這邊廂的鋒芝shopping兼拍拖，那邊廂的「巨肺」林欣彤（Mag）與緋聞男友胡鴻鈞昨日則預演溫馨，兩人出席荃灣廣場《巨聲‧串爆‧情人節》活動時，胡鴻鈞除向阿Mag送上以三文魚做成的花形刺身，更坦言與Mag心有靈犀。對於胡鴻鈞的快人快語，Mag笑咪咪表示沒有被嚇親，她說：「我哋成日都係咁講嘢，佢係好男仔。（情人節有乜節目？）要開工，未有人約，我期望收到曲奇同蛋糕做禮物，（期唔期望情人節有人示愛？）我從未試過！」
胡鴻鈞則笑言：「我同Mag可能成長環境幾似，所以好多想法好相似。（情人節點過？）開工，但應該唔係同Mag一齊，我想成班『巨聲』一齊食餐飯聚吓，不過我都預備咗花，用嚟送畀我媽咪，因為佢係我心目中永遠嘅情人。」
