周秀娜拋胸姣叫色誘志偉

向來敢搏肯捱的周秀娜不但令宅男神魂顛倒，連老戲骨曾志偉也幾乎受不了她的誘惑。娜姐拍攝王晶新片《猛男滾死隊》繼續豁出去，片中更與宿敵「浸大E神」楊梓瑤（Carol）鬥姣鬥豪放！

王晶新片《猛男滾死隊》出動四大o靚模攻陷宅男市場，該片MV和預告片早前曝光，只見娜姐、Carol、冬甩成員Caroline和新八模江怡都出盡法寶，色誘片中飾演有婦之夫的曾志偉、杜汶澤、王晶和狄易達。

認主動不尷尬

周秀娜更不失豪放性格，不但生擒志偉姣叫：「我想要呀！」更露深厚「事業線」與志偉打一對一「友誼波」，難怪連志偉腰部也當堂硬軚，要叉腰扶穩；Carol則與杜汶澤展開激烈床戲，更不顧形象猛啜事後煙，可謂盡豁出去。

對於勾引志偉一幕，問娜姐有否尷尬？她說：「都冇，因為我本身都識志偉，晶哥嘅片又以搞笑為主，所以大家都唔介意。」自言與志偉有親熱戲的她更認為自己較主動，故會接受更多大膽角色。

否認預支蜜月

此外，周秀娜與男友Avis在新春遊泰國期間，被拍得二人慾火推油，她接受電話訪問時卻自嘲：「見到都驚，個肚腩咁肥，最慘係Avis畀人影到高潮眼！如果我冇嘢撈都可以做揼骨妹！」出席活動時，娜姐被問到男友是否很enjoy？她說：「要問番佢，不過佢反白眼同露股罅已經贏咗！」而Avis則透過電話回應說：「去旅行都唔想畀人跟，無奈！（係咪預支蜜月？）唔好玩啦！蜜月去泰國實畀佢鬧死！（幾時娶娜姐？）結婚唔會咁快喇，等大家搵多啲先啦！」