莊思敏馬國過年「撈起」
模特兒莊思敏的家鄉在馬來西亞，早前她與胞妹莊思明及莊思華結伴回鄉，她坦言已有十年未在馬來西亞過春節，她說：「以往都係爸爸媽媽由馬來西亞嚟香港過年，因為香港嘅新年氣氛比較好，不過，香港間大屋今年裝修，佢哋返嚟都冇地方住，所以咪我哋過去囉。我哋帶咗九個蘿蔔糕同年糕，仲有髮菜蠔豉添！」
在馬國逗留四天，莊思敏笑言每天也離不開食，她更介紹當地的特色賀年菜：「有個菜式叫『撈起』，每個馬來西亞華僑一到新年都必食，材料有青瓜絲、海蜇、蘿蔔絲、三文魚等，食之前大家一齊亂撈一通，寓意愈撈愈好。」