諸葛嫁薛嘉麟 年尾做兔新娘

Marie、傅穎（Theresa）昨日分別以「愛心大使」和「關懷大使」身份出席《仁美清叙慈善『童』樂日》，同場還有黎燕珊、陳綺明、筱靖、袁小曼等一班仁美清叙成員。

與現場小朋友玩小型賽車時，Marie大讚同車的小妹妹靚女，笑言要帶對方返屋企：「我都想生個好靚嘅小朋友。」她自爆與男友薛嘉麟已有共識，準備在兔年拉埋天窗，她說：「到我派雙封利是時咪知囉。（即係幾時？）年尾差唔多，我嘅工作排到11月。（會唔會揀特別日子？例如聖誕節？）屋企人會揀好吉日，總之到時一定話畀大家知。（婚後會唔會退休做少奶奶？）都未結，結咗先啦。」

諸葛與男友薛嘉麟感情穩定，今年會拉埋天窗。（資料圖片）

傅穎身為關懷大使，與小朋友玩小型賽車。

食餃子冇是非

笑到蓮子蓉的Marie透露媽咪近日專誠由北京來港探望她，問她是否雙方見家長洽談結婚事宜？Marie大賣關子說：「大家開心過年！人哋話初五食餃子好，成年都冇是非，媽咪專登嚟整餃子畀我食。（去咗薛家拜年未？）一早拜咗年，仲𢭃埋利是添。」

黎燕珊帶同17歲女兒劉詠詩一齊做善事。

傅穎、諸葛梓岐與仁美清叙成員一起出席慈善活動。

唔講人哋家事

對於未來大伯薛世恒被影到與HotCha成員Regen約會，提起陳法拉Marie即煞有介事，直言別人家事不願置評：「我唔知，人哋家事唔講嘞。（你男友同女仔出街有冇問題？）正常社交冇問題。」

另外，黎燕珊昨日帶同17歲女兒劉詠詩一齊做善事，她表示將在復活節期間舉辦新疆考察團，希望仁美清叙能籌得更多善款，在當地開辦學校。而Theresa亦計劃新一年推出新書、肖像公仔、作歌及拍電影，問到想不想拍拖？她說：「我今年生肖旺桃花，但想專心事業。」

文：專案組