基仔派雙封報婚訊
古巨基昨日出席時代廣場舉行的「金龍醒獅賀新歲」活動，一嘗醒獅點睛及舞龍珠滋味，最後更被司儀探問婚期，基仔即大耍太極，並搞Gag說：「摸吓條龍、一世都紅。」隨即喪摸金龍頭頂。
事後基仔表示未係結婚時候：「依家仲係派一封利是。」問到是否派雙封就代表公布已婚？基仔發揮搞Gag本色：「我唔傷風、唔感冒。」接住正經說：「如果係即係低調講咗你知。（親戚有否催婚？）長輩囉，話我到咗適婚年齡，我唔會耍佢嘅，咪『哦』、『知道』同『係』囉！」
至於有否到緋聞女助手Lorraine家拜年？基仔說：「好多時都係團拜。」