周麗淇做親生女入無綫等嫁

周麗淇（Niki）、黃浩然及葉翠翠昨日出席劇集《我的如意狼君》拜神活動，女主角Niki終於「蒲頭」，更笑言一開工便開全廠。首次拍民初劇的她自言很開心，更笑謂：「大家都祝我搵到個如意郎君，添哥（李添勝）都覺得我要，所以開呢套劇畀我。（咁幾時嫁得？）拍完套劇睇吓有冇機會囉！（恨嫁？）每個人都希望，自己期盼呢一日來臨，不過仲搵緊。」

暫未簽唱片公司

Niki又表示簽了兩年部頭合約，問她會否簽無綫為經理人時，她笑言：「女版林峯？都可以考慮，但係我唔夠Chok（樣），歌、影、視發展都幾好，可以諗吓。」問她有否打算簽唱片公司？她坦言之前傾過，但現時想先專心拍劇。

陳自瑤（左二）和翠翠見黃浩然即上前收利是，場面搞笑。

姚子羚（左）與龔嘉欣昨日悉心打扮現身新劇拜神活動。

翠翠開心派利是

另外，Niki又自爆答應了浩然，若對方太太臨盆生仔，她便會「撐住」劇組。問浩然其太太何時生，他繼續一貫口風謂：「差唔多，可能拍拍吓走咗去就係，（會否剪臍帶？）我就想，但大家問我夠唔夠膽，因為血淋淋咁。另外我都想拍片，希望唔會手震。」而首年派利是的葉翠翠坦言很開心，自己亦很主動，她謂：「我今年預咗五位數字，都派得七七八八，原來收同派都一樣咁開心o架！」

文：影視組