劉嘉玲爭開齋歐亞影后攔路

五度飲恨影后的劉嘉玲再接再厲,獲提名香港電影金像獎最佳女主角,力戰四名首獲提名的「新貴」楊千嬅、薛凱琪、何超儀及湯唯,嘉玲得悉喜訊後即說:「又咁嚇我?」十分搞笑!

從影廿多年的劉嘉玲演技早獲認同,曾奪得內地金雞影后,但她五次與香港電影金像獎影后擦身而過,未能在港揚威。在昨日公布的提名名單中,她憑《狄仁傑之通天帝國》武則天一角第六度提名影后,有機會打破宿命!雖然其餘四位候選人均是首獲提名,但去年何超儀榮升西班牙影后,薛凱琪(Fiona)在《越南電影節》中封后,楊千嬅早前亦獲電影評論學會頒發最佳女演員,湯唯則曾勇奪金馬新人獎,個個實力都不容忽視!

千嬅提名老公讚叻

嘉玲好友梁李少霞昨日出席記者會,她急不及待向好友報喜,並表示嘉玲得悉喜訊後即說:「又咁嚇我?」嘉玲表示對再角逐影后十分興奮,亦替《狄》片獲最多的13項提名而高興,她說:「我戲入面個造型好獨特,頭飾又好重!依家有呢個成果好值得!」

對於第一次獲影后提名,千嬅及Fiona均大感雀躍!雖然《志明與春嬌》被列為三級,但亦無礙千嬅入圍,她high爆地說:「我好鍾意《志》片,今年會拍續集,獲提名係鼓勵,令我想去做得更好!」問她信心如何?千嬅的心情似乎頗為矛盾,她說:「係好想攞,未得過嘅嘢自然想要,不過個個對手都好強,嘉玲、超儀都好好,我自己覺得同電影獎項仲有距離,入圍已經好滿足。」她又在微博留言:「三級女星『兔』氣揚眉!」而其丈夫丁子高亦回應:「我老婆又係幾叻o架喎!」

鮑起靜睇好Fiona

至於憑《分手說愛你》爭獎的Fiona得悉喜訊後即開心到大叫,身在北京的她說:「得唔得到獎都要多謝拍檔房祖名,呢個組合先咁有火花!(信心?)其他人都好強!」而上屆影后鮑起靜亦表示睇好Fiona。

文:影視組