李嘉欣昨日升呢做富媽媽，其經理人陳善之接受電話訪問，笑聲不絕說：「好開心，祝BB健康、快高長大，好似父母咁有智慧咁靚。」他謂之前在米蘭已選購禮物送給BB，待嘉欣休息後便去醫院探望。
問嘉欣幾時復工？他說：「言之尚早，雖然佢體質好好，不過佢依家好緊張BB，要再等佢通知，多謝廣告客戶好錫嘉欣，有幾個新客戶都話等嘉欣做代言人。」據知有奶粉商出千萬酬勞誘嘉欣母子檔上陣，他承認：「有問過，要睇嘉欣意願，不過佢唔想BB咁辛苦、咁早曝光。」亦有瘦身廣告爭邀嘉欣拍攝，但一切以照顧BB健康為先。
問升呢做媽咪的嘉欣會否加價？陳善之笑騎騎說：「客戶年年都自動加價。（身價升幅10%？）超過10%，總之開心價，客戶話未見過咁幸福嘅孕婦。」