靚靚有緣 祝快高長大

袁詠儀：

「恭喜晒！希望BB健健康康、聽教聽話，快高長大，佢咩都有，唔知送乜，所以會送紅包，而且二月八日出世肯定係吉日，因為呢一日係我同張智霖結婚周年。」

陳淑蘭：

「恭喜，恭喜！戥佢開心，更戥佢媽咪開心，咁短時間兩度做婆婆，呢個世界多咗一個優秀、可愛嘅ＢＢ。（近年有無聯絡？）比較少，我同佢家姐會見得多啲，因為佢老公係我契哥，佢哋係我撮合o架。」

導演王晶：

「戥嘉欣開心，佢咁聰明，個仔一定都會好醒目，希望佢好好休息，仔仔快高長大。（會唔會斟佢母子拍戲？）唔會，許家都唔會畀啦。」