林莉姻緣無望寄情工作
模特兒林莉是孝順女一名，每逢佳節都會陪家人度過，她稱父親是典型的潮州人，對新年十分重視，傳統習俗亦樣樣做足，她舉例說：「年三十晚要一家人食團年飯，每年都會整湯圓食，年初二媽咪會做潮州粿，要花好多工夫整架！」林莉指新年給她很強烈家的感覺，全家人會聚首一堂，一齊玩紙牌遊戲，但純粹為開心，不會賭錢。
另外，談到新年願望，林莉直言知道兔年姻緣無望，惟有努力工作，她透露：「我今年因為工作而兩度去咗寺廟，順道求籤，我屬猴，相士話我今年事業會愈做愈好，但姻緣就唔使諗。（你自己想唔想拍拖？）我唔會諗太多，因為諗咗都未必會有。」不過，對於工作，林莉就想法多多，她說：「我去年影咗一啲以往唔會影嘅相，慢慢突破咗自己以前嘅框框，希望新一年可以試吓未試過嘅形象，未必一定要好性感，可能係偏向藝術性，要用時間慢慢去細味嗰種。」
服裝及場地：中藝