楊梓瑤唔做浸大E神做學生妹
有「浸大E神」之稱的楊梓瑤（Carol）去年因寫真集而走紅，還初涉影壇拍攝《婚前試愛》，可謂名利大豐收。踏入兔年，Carol表示最想搣甩「浸大E神」這個令她打響名堂的稱號，她坦言：「其實我向來都唔鍾意呢個花名，一開始可以引起大家嘅注意係好事，但我諗冇一位女性鍾意人哋只係注意佢嘅身材，而且我唔想再麻煩到學校。希望新一年大家可以記得我嘅原名，睇多啲我嘅內在。」
Carol透露2011年將主力向電影界發展，令大家認識不同面貌的Carol，問到最想嘗試甚麼角色？她笑言：「我想做打女，拍動作片，或者扮學生妹都唔錯，因為再過多幾年，我個樣就扮唔到學生喇！」
提起新年，Carol自認傳統兼迷信，她舉例說：「年廿八要洗邋遢，全家大掃除之外，我仲會用碌柚葉沖涼，大年初一要食早飯，代表豐衣足食。」她又指每年新年也會睇相、攝太歲以及拜神，今年還有意向觀音借庫呢！
化妝：Chris Lam
髮型：Cedric@Nova
服裝：GUESS