Mandy Lieu新春撈齊甜酸苦辣
名模Mandy Lieu忙於拍攝旅遊節目，故不時周圍飛，冇時停，正好趁農曆新年返回家鄉馬來西亞，與家人及朋友共度佳節。她興奮地表示：「今次返去個幾星期，真係好開心，好掛住屋企人。我哋每年都一定會食一個叫『撈起』嘅餸，由好多唔同品種嘅材料製成，將甜、酸、苦、辣唔同嘅味道撈埋一齊，裏面仲會有魚生，寓意生生猛猛。我哋喺撈呢個餸嘅時候會講好多好意頭嘅說話，好熱鬧o架！」
問到Mandy的新年願望時，她表示：「我上年嘅願望係可以去多啲地方，睇吓個世界。點知真係實現咗！見識到唔同地方嘅文化同風土人情。」至於愛情方面，她表示一切隨緣。早前被拍得與六呎外籍猛男逛超市，她表示對方只是普通朋友：「身邊冇啱嘅男仔，感情呢啲唔急得。」
攝影：劉智源
服裝：Shiatzy Chen