松岡李那食厭啤梨要賺千萬
日本通王友良去年引薦不少日模來港發展，馬瑙、松岡李那（Linah）及小水彩皆成為具人氣的生力軍。
有「蜜桃胸」之稱的Linah早前被拍得與新城DJ葉文輝（啤梨）出雙入對，問她兔年願望是否想和啤梨成為情侶？Linah說：「啤梨係我好重要嘅好朋友，但唔會『升呢』做情人，所以今年要拍拖嘅話，就同蜜桃或香蕉等其他水果啦！哈哈！」首次在港過年的Linah，原來是「神婆」一名，她說：「我聽講香港人過年會去觀音廟借庫，真係好想試吓，我目標係想快啲賺一億日圓（約一千萬港元），可以買屋畀屋企人！」
馬瑙三色內衣催運
來自巴西的馬瑙對內衣催運深信不疑，她說：「喺巴西紅色內衣代表求愛情，白色求和平，黃色就係求財，所以我打算今年着晒三種顏色大包圍！」而首次來港過年的小水彩表示：「喺日本過咗廿歲要畀利是父母，至少要一萬日圓，喺香港可以周圍(目及)，又可以唔使畀，好好玩。」身為經理人的王友良說今年雙管齊下，繼續經理人工作及會向中港台三地發展幕前事業外，希望今年找到理想對象生兒育女。
文：名人組