張學友昨日在經理人陳淑芬及助手等陪同下現身機場，準備出埠搵新年財，一班歌迷一早聞風而至送機，學友表示：「我去拉斯維加斯做演唱會，初八返香港。（點解唔帶埋屋企人去？）初八至返，個女趕唔切返學。（有冇帶個女去拜年？）帶咗佢去佢嫲嫲屋企拜年。」
當學友見到陳淑芬向歌迷派利是時，學友笑問：「乜要o架咩？搞壞規矩！」但說完都照樣派利是，氹得歌迷笑口常開。
