琦琦外遊賀歲忽冷忽熱

琦琦每年農曆新年均與家人出外度歲，今個新年，將與老公任達華及囡囡到新加坡、上海及杭州旅行，同行的還有父親。雖然兩個星期不在香港，但為免家中太冷清，都會買新年飾物，粉飾家居。送虎迎兔，琦琦逛街時每見到有關兔仔的飾物都變得雀躍，買了一大堆回家裝飾。琦琦說：「啲兔仔飾物好得意，而且我個女好鍾意兔，佢見到一定會好開心，雖然我哋唔喺香港過年，但都希望間屋有新年氣氛，所以每年都會布置吓，感覺好熱鬧及節日啲。」

星洲親子樂

琦琦又透露老公無論有多忙，農曆新年都會請假與家人一齊度過，她說：「呢個新年老公有一個星期假期，佢答應陪女兒，所以新加坡同上海佢都會去。」琦琦被問到點解會選擇到新加坡度歲，她即透露本計劃在聖誕節去，但因為媽咪的護照寄失，未能如期成行，她說：「當時去唔到新加坡，只好留喺香港，點知天氣太凍，搞到我病咗差唔多一個月，成個聖誕都只好喺屋企過，所以農曆新年補數。」

任達華	琦琦對於得意的飾物買不停手。	琦琦又到時裝店挑選服飾。

家鄉嘗美食

之後琦琦說會直飛家鄉上海，她表示在上海過新年氣氛十分濃厚，她說：「喺上海可以放煙花，又可以食好多美食，氣氛又熱鬧，跟住我哋又會去杭州，嗰度啲風景好靚。」