岑潔儀老公滋潤肥８磅
剛簽新經理人公司的岑潔儀（Zoey）昨午踩入維園年宵市場，為公司的攤位撐場，拎起大聲公叫賣吸引不少途人圍觀！一手風車，一手吹氣大錘的她希望兔年轉運，揼走小人：「上年運程麻麻，有是非，新一年希望開始新嘅嘢，師傅話我會開始行大運，行十幾年！」
Zoey正與男友蜜運中，心廣體胖的她自爆肥了八磅，新年會偕男友甜蜜蜜遊倫敦：「情人節會返香港，同男友喺屋企煮飯仔慶祝。（真命天子？）都認定係，但未有結婚打算，自己諗住25歲前結婚，仲有一年時間！」話雖如此，但Zoey卻口快快將男友講成「老公」，擺明一顆恨嫁的心！
