雷凱欣色誘龍友吊炮襲胸

雷凱欣現身電影《3D肉蒲團》年宵攤位，落力為印有自己肖像的商品叫賣，當中包括「假胸」滑鼠墊及巨型攬枕，吸引大班宅男及叔伯輩觀圍，更有人因不敵人牆阻擋，竟自製專用鐵框，舉機凌空為靚女拍「沙龍照」，令人為之側目！雷凱欣為影迷們俯身簽名時大方任影，又不時攀高擒低搶鏡，鎂光燈此起彼落。

食環署密巡

早前，電影公司在年宵攤位內播放電影宣傳片段，惹起公眾關注，食環署亦已採取行動禁止片段播放，監製蕭若元對此大感忿忿不平，還揚言「有人嚟巡，我哋咪停放囉。」但前晚所見，年宵攤位明顯已沒播宣傳片段，電影公司公關指因食環署巡得太密影響太大，所以已停止播宣傳片段。

雖然無片播，但雷凱欣談到自己副產品的銷情時欣然表示﹕「冇乜貨嘞，公司已特登收起咗成箱滑鼠墊，諗住作最後衝刺，好彩之前我自己都留起咗一個紀念。（咁樣畀人枕住唔尷尬咩？）唔會，所有嘢都係角色需要啫。有人鍾意係榮幸。」談到分紅問題，雷凱欣表示已獲老闆承諾封大利是給她補數，難怪她身患感冒，宣傳全程仍相當賣力。

陪家人過年

明天大年初一，雷凱欣表示由於早前經常離港公幹，計劃趁農曆新年假好好陪伴家人及向親戚拜年：「我隻眼滿布紅筋，爆咗微絲血管，加上天氣太凍唔願起身，留喺屋企休息吓都係好事。」文﹕影視組