陳嘉容 Ana R.：望吸取教訓
Rosemary去年在美國撞車後不顧而去一案被判罰款了事，她的一班模界好友知道消息也為她高興，好姐妹Ana R.對僅是罰款感到安慰：「呢個判決可以講係不幸中之大幸，希望佢從中吸取到教訓，我相信佢唔會再犯。件事喺農曆新年前完結，佢可了結一件心事，開開心心過年，係過新年嘅大禮物！」
陳嘉容則說：「冇事都開心，安樂晒！希望佢吸取教訓，始終香港人多車多，如果撞到就大件事，但諗佢以後揸車都會小心。」另外，趙嘉懿表示曾與Rosemary聯絡，她反安慰叫大家不用擔心：「都替佢開心，只係罰款即唔係好嚴重，代表新嘅一年有好嘅開始，可放下心頭大石。之前我有同佢聯絡過，佢都叫大家唔使擔心。」
