黃婉曼自爆甩拖寄情工作
昨日已跳出「主播界」的黃婉曼（Icy），為其擔任代言的產品於旺角街頭拍廣告。早前被拍下與男友人兩份飲一杯咖啡的Icy，就解釋對方只是新請的助手，睇完新聞得啖笑，但其後她亦大方承認已同前男友分手，直說︰「早排大家已經分開，依家惟有畀心機工作。（有人追？）OK啦，不過感情都係順其自然好。」
Icy早前穿紅色Deep V裙勁騷「事業線」，雖然昨日的鮮綠色背心連身裙不及上次性感，但仍散發青春，可惜她最終亦不敵寒冷天氣凍到起雞皮。問她是否酬勞愈高愈性感？她反應極快地否認說︰「上次唔係專登性感，係意外，因為唔慣性感所以好唔開心，而且今日拍健康產品廣告，只係配合番自己同品牌形象。」