鍾浠文燕窩人參孝敬父母
模特兒鍾浠文（Zelia）與家人分隔兩地，每逢新年，她都會帶同大量手信回家鄉安徽探望家人，愛錫家人的Zelia說：「我會買燕窩畀媽咪，買人參畀爸爸，仲會送個好大嘅利是畀佢哋，因為我每半年先探佢哋一次。」
提到安徽的新年習俗，Zelia指與香港冇太大分別，也重視一家人於年三十晚食團年飯，不過菜式略有不同，她說：「我哋一定要有魚，代表年年有餘，要有雞湯，仲要有炸豬肉丸，代表團圓。除咗團年飯，年三十晚一到凌晨十二點就會落街燒炮仗，家家戶戶都係咁，所以幾乎整晚都會聽到炮仗聲。」問到新年願望，廿四孝的Zelia想也不想就說：「父母身體健康，因為佢哋年紀大，就算少少傷風感冒我都會好擔心。如果我唔使擔心就可以專心啲工作，賺多啲錢孝順佢哋兩個。」
場地及服裝提供：SHIATZY CHEN