軒仔Kenny冰火交融 情未變
傳「情」變的張敬軒和密友關智斌（Kenny），被本報記者直擊於10℃下匿埋屋企玩BBQ，享受冰火交融的刺激滋味，Kenny還化身「小斌斌」服侍燒烤，令軒仔的情緒病不藥而愈。
近期自嘲受情緒病困擾變「癲咗」的軒仔，有傳他和Kenny的多年親密感情有變，令軒仔變成宅男不願出街消遣，去年12月好友容祖兒、何韻詩還專程到他西貢的屋企陪BBQ治「情」傷，不過，經數星期冷戰後，上周六本報記者直擊Kenny重返軒仔身邊，陪他預祝今天踏入30歲生日的大日子，足見兩人和好如初情未變。
「小斌斌」負責燒烤
當晚天氣嚴寒，身穿紅色格仔衫的軒仔卻熱情如火，還跟穿黑白灰格仔褸的Kenny襯到絕，同場BBQ的還有有線主播陸浩明及大班朋友，主人家軒仔全晚心情靚爆滿場飛，不停為好友斟酒，乾一杯恭祝友誼，而Kenny就化身「小斌斌」負責燒烤，兩人分工合作招呼客人，默契十足。
有Kenny體貼地陪在身邊，軒仔的情緒病明顯不藥而愈，當軒仔送部分客人離開時，發現在門外吹足全晚冷風的記者，軒仔不但沒有黑面擺明星款，更親手奉上兩碟生日蛋糕和熱飲，寒風中送暖，盡顯人情味。
Kenny離去軒仔不捨
直至半夜3時許生日派對才結束，陪足軒仔逾6粒鐘的Kenny跟陸浩明等友人盡興離去，軒仔依依不捨地送客，兩人見到記者表現大方，毫不避忌合照，可惜中間卻隔了「電燈膽」陸浩明，拍照後Kenny鬼馬問記者：「你哋唔係要偷影架咩？」目送Kenny離去後，記者問軒仔收到甚麼生日禮物？他笑說：「今日都未係正日。」
文：音樂組
攝影：追蹤組