Kary舊愛獻花感動復合
吳雨霏（Kary）去年底宣布與拍拖四年的「網球王子」洪立熙（Brian）分手，前晚Kary的紅館「處女」騷竟變成她的「復合」騷，舊愛Brian走到台前獻花及擁抱Kary，藉行動向Kary要求再續前緣，令她一時心亂如麻！
「KARY ON LIVE 2011」前晚假紅館開鑼，金牌大風新老闆龐維仁與高層陳輝虹率領旗下一眾歌手前往捧場，而龐維仁前妻黃美儀亦與友人結伴撐場，至於舊愛Brian亦與友人坐VIP區欣賞Kary演出。
個唱甫開場，身穿一襲RACHEL FREIRE貼身低胸透視裝的Kary倒吊現身，肉色Bra及內褲若隱若現；Kary的性感歌衫亦不乏露小蠻腰及長腿，不過大腿和髀內側因吊威吔撞瘀，十分礙眼，Kary說：「我有畏高，公司話幫我買咗千萬保險！」其後她邀請前師姐楊千嬅出場，不過千嬅掛住跟觀眾握手而一度甩嘴。
灑淚剖白戀情
Kary去年底為個唱舉行記招時突然宣告和Brian和平分手，前晚她在台上深情剖白跟Brian過去一段情，眼泛淚光說：「講個秘密畀大家知，四年前我愛上咗一個人，我哋經歷咗好多嘢，喺佢身上我學識去愛一個人，學識包容同珍惜，嗰時覺得係公主遇上一個王子，搵到一個perfect match，但原來唔係咁就得，我哋遇到好多困難，要承受其他人眼光同說話，但我依然相信愛，依然會勇敢去愛！」繼而含淚唱出《絕配》，台下的Brian即手持鮮花走到台邊送給Kary，兩人亦不避嫌當眾擁抱，令Kary十分感動。
慶功宴上，Kary被追問情深的「四年情宣言」，她說：「大家係朋友！（佢要求復合？）未諗，唔想講！」Kary坦言很難一下子講述二人關係，再問她是否秘密復合？她說：「我唔講大話！」
文：音樂組