呂慧儀自認多仔追 楊秀惠隨時做兔新娘
後日便是大年初一，楊秀惠和呂慧儀（Konnie）專誠以兔女郎扮相向大家拜早年！兩位索女均希望新一年大行桃花運，已有穩定男友的秀惠隨時嫁得做兔年新娘，而甩拖後的Konnie亦不甘做剩女，自揭有大班男仔追！
由曾志偉監製的《我愛HK開心萬歲》人多勢眾，呂慧儀和楊秀惠均有份參演，雖然只做配菜，但仍落足力宣傳。日前二人齊齊換上新裝，以tube dress短裙大騷香肩及長腿向大家拜早年，並戴上粉紅色毛毛兔仔耳頭箍，認真應節！
搽胭脂 催桃花
女孩子大多數的新年願望都是行桃花運，秀惠和Konnie亦不例外，直言觀眾緣最重要。秀惠更爆出獨門行桃花秘笈，她說：「媽咪教我平時出街要搽少少胭脂喺面同額頭，望上去會紅粉緋緋，年三十晚仲要用玫瑰花味嘅沐浴露，有助催旺桃花。」難怪秀惠的桃花停不了，去年已覓得金融才俊Ray做男朋友，二人感情穩定，問到會否閃電結婚做兔年新娘？她風騷笑說：「我哋都鍾意家庭，但應該冇咁快，因為自己想喺事業再衝刺。」
儲首期 買大屋
至於單身的Konnie，自傳與港男Dickson分手後便鮮有緋聞，她揚言不希望做黃金剩女，她笑說：「唔會，我梗係有人追啦！但我未必會揀圈內人做男朋友，反而想同圈外人拍拖，但就唔想公開關係影響另一半。」她直言有時會羨慕好姊妹徐淑敏未夠三十歲已能組美滿家庭，但自己暫時有其他選擇，她說：「見佢做幸福少奶奶個樣都戥佢開心，但我就想賺多啲錢先，希望儲多啲首期買大屋。」
文：專案組 攝：沈健程